يسوع... أعظم و اروع شخص فى الوجود فليس لعظمته حدود او استقصاء . يسوع... عجيب و فريد فى كل شىء , فى تجسده و ميلاده , فى حياته و فدائه.... عجيب فى محبته اللامتناهية الغير محدودة .
يسوع المسيح هو الشخص الوحيد اللى تأثرت بيه كل البشرية , شخصيته الفريده و حياته كانسان عاش على ما يقدرش اى شخص انه يتجاهلها , حبه و عمله على الصليب و هو ابن الله القدوس ما يقدرش حد انه ينكره او يهرب منه .
"يَسُوعُ الْمَسِيحُ هُوَ هُوَ أَمْسًا وَالْيَوْمَ وَإِلَى الأَبَدِ" " عبرانيين 13 : 8 "
ده الحق اللى يعزينا و يشجعنا اليوم ان يسوع العظيم ده موجود دايما لاجلنا مش بيتغير او ينكر نفسه و امانته تجاهنا ثابته مش بتتاثر ابدا بحالتنا او ضعفنا.
زمان يسوع بنفسه قال لمرثا أية حلوة قوى نفسى اشاركم بيها انهارده , قالها :
"وَلكِنَّ الْحَاجَةَ إِلَى وَاحِدٍ" " لوقا 10 : 42 "
أه .... يا سلام يارب .... يا سلام لو فعلا نعرف كده, ان الحاجة الى واحد , الحاجة اليك انت وحدك و انت فيك كل الكفاية لينا اكيد هنرتاح و حياتنا كلها هتتغير .
صديقى يسوع بيقولك انهارده ... الحاجة الى واحد... الحاجة اليه وحده..
· لو انت متقيد و حياتك مليانة بالخطية و مش عارف تتغير تبقى محتاج ليسوع المخلص اللى يقدر وحده يغفر خطيتك بدمه و يطلقك حر من كل قيد.
"وَدَمُ يَسُوعَ الْمَسِيحِ ابْنِهِ يُطَهِّرُنَا مِنْ كُلِّ خَطِيَّةٍ" " يوحنا الاولى 1 : 7 "
"إِنِ اعْتَرَفْنَا بِخَطَايَانَا فَهُوَ أَمِينٌ وَعَادِلٌ، حَتَّى يَغْفِرَ لَنَا خَطَايَانَا وَيُطَهِّرَنَا مِنْ كُلِّ إِثْمٍ." " يوحنا الاولى 1: 9 "
"أَنَا أَنَا الرَّبُّ، وَلَيْسَ غَيْرِي مُخَلِّصٌ " "اشعياء 43 : 11"
· لو انت حيران و متلخبط و مش عارف طريقك تبقى محتاج ليسوع المعلم و المرشد اللى يقدر يعرفك الطريق و يسير معاك فيه.
"أُعَلِّمُكَ وَأُرْشِدُكَ الطَّرِيقَ الَّتِي تَسْلُكُهَا. أَنْصَحُكَ. عَيْنِي عَلَيْكَ "
" مزمور32 : 8 "
· لو انت تعبان وبتمر فى ظروف صعبة و مشاكل و مش عارف تلاقى اى حلول و كل حاجة حواليك بتقول مستحيل يبقى انت محتاج ليسوع القدير اللى بكلمة منه يغير كل امرمستحيل و يحل كل مشكلة صعبة .
" أَنَا اللهُ الْقَدِيرُ. سِرْ أَمَامِي وَكُنْ كَامِلاً" " تكوين 17 : 1"
" لم تر عينا الها غيرك يصنع لمن ينتظره" "اشعياء 64 : 4"
· لو انت مريض و الطب واقف عاجز و بيقول مفيش فايدة تبقى محتاج ليسوع الطبيب الشافى اللى كان و مازال بيشفى و يلمس كل طالبيه بلمسة شافية .
"انا الرب شافيك" " خروج 16 : 26 "
"وَكَانَ يَسُوعُ يَطُوفُ كُلَّ الْجَلِيلِ يُعَلِّمُ فِي مَجَامِعِهِمْ، وَيَكْرِزُ بِبِشَارَةِ الْمَلَكُوتِ، وَيَشْفِي كُلَّ مَرَضٍ وَكُلَّ ضَعْفٍ فِي الشَّعْب". "متى 4 : 23 "
"وَإِذَا امْرَأَةٌ نَازِفَةُ دَمٍ مُنْذُ اثْنَتَيْ عَشْرَةَ سَنَةً قَدْ جَاءَتْ مِنْ وَرَائِهِ وَمَسَّتْ هُدْبَ ثَوْبِهِ،
لأَنَّهَا قَالَتْ فِي نَفْسِهَا:«إِنْ مَسَسْتُ ثَوْبَهُ فَقَطْ شُفِيتُ».
فَالْتَفَتَ يَسُوعُ وَأَبْصَرَهَا، فَقَالَ:«ثِقِي يَا ابْنَةُ، إِيمَانُكِ قَدْ شَفَاكِ». فَشُفِيَتِ الْمَرْأَةُ مِنْ تِلْكَ السَّاعَةِ" " متى 9 : 20- 22"
· لو انت وحيد و شاعر ان محدش بيحبك و مالكش اصدقاء يبقى انت محتاج ليسوع المحب الالزق من الاخ ولانه جرب الوحده لما الجميع تركوه وقت الصليب و هربوا فهو الوحيد اللى يقدر يشعر بيك فى وحدتك و يعينك و يسندك .
" المكثر الاصحاب يخرب نفسه و لكن يوجد محب الزق من الاخ " " امثال 18 : 24 "
· لو انت محتاج و مش عارف تسدد احتياجك ازاى و منين و مهما كان نوع احتياجك يبقى انت اكيد محتاج ليسوع الغنى فى الرحمة و النعمة اللى يقدر يديك كمان اكتر جداا من احتياجك .
"وَالْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ الْقُوَّةِ الَّتِي تَعْمَلُ فِينَا"
"افسس 20:3"
+يسوع .... علمنى ان الحاجة اليك وحدك ففيك وحدك كفايتى و شبعى ... أحبك +
